Class Date: 2/2/09
Chapter: 3
Page#: 57
Paragraph #: 2
Recorded version: https://cid-7b059e9a2ee44886.skydrive.live.com/self.aspx/MMPClassAudio/02-02-09%7C_Chap3%7C_KarmSeDukh%7C324.mp3
Summary:

2/2/09

Chp 3- Pg 57 para 2- contd


Antray karma se honewale dukh aur unse nivrutti:


Vastu ki prapti mein jo aade aa jaata hai vo antray kehlata hai. Jab iccha praapti/purna karne mein antray aate hai, to un badhak karno ko hatane ki koshish jeev karta hai parantu dur na hone par dukhi hota hai. Upay karne par bhi antray ke uday hone par sambandhit karya nahi hota aur antray ke uday na hone par upay na karne par bhi sambandhit karya ho jata hai. Isliye vighno ka mul karan antray hai aur antray karma ke uday se jeev dukhi hota hai. Yeh baat samajhne ke liye ek kutte ka example hai jo ki lathi ko dukh ka karan maanta hai jab ki jo (aadmi) vo lathi ghuma raha vo uske dukh ka karan hai. Kutta yeh baat samajhta nahi aur lathi ko dukh ka mul samajhta hai. Isi prakar humein samajhna chahiye ki mul karan to antray karma hai.

Is liye bahya padartho mein dvesh karna vyarth hai; anya dravya ka koi vash nahi to un par kya dvesh kare? Jab hum samjhenge ki sukh aur dukh dono mein apne hi punya/paap ka uday karan hai to dusro se kyon raag dvesh kare? Karm jab karan hai to karma dur karne ki koshish karni chahiye- bahya padarth ke karan dur karne se kya faida? Is se to sirf kamiya dekhne ki aur badlav karne ki akulta bani rehti hai.

If we believe in antray karma then we will not feel excesively happy or excessively unhappy about anything or any situation.

Q: Jab bahya padarth se kuch nahi hota to muniraj kyon bahya padarth se dur hote hai, anisht se bachne ka upay kyon karte hai?

Yahan par to muniraj antarang mein jaana chahte hai. Bahya/Anisht mein dvesh karke nahi jaate- udasinta se, samya bhav se unse dur hote hai. Ve aisa jaankar ki aise padarth se parinam bigadne ke chances hai, unse dur hote hai.

Q Mithyatva ke vajeh se jab iccha badh badhkar aati hai, to uska kya upay hai?
Iccha control karni chahiye? Nahi usse kuch nahi hoga. Samyak darshan aadi hi iska upay hai. Samyak darshan se isht anisht aisi buddhi mit jaati hai, par dravya se mujhe sukh dukh hota hai aisi manyata ka nirakaran hota hai. Samyak darshan adi se pehle to iccha ghatti hai aur fir iccha ki intensity kum hoti hai.

Samyak darshan se fir bandhne vaale antray karma ka anubhag kam hoga. Isse iccha kum hogi (mohniya kam hoga), virya antray ka shyopsham badhta hai, is liye shakti badh gai. (Iccha mitna aur shakti zyada) Tab to niyam se sukh hoga.

Vedniya karm se honewale dukh aur unse nivrutti:

Vastu ki prapti sirf yeh saata vedniya ka kaam nahi. Milna aur fir vo anukul lagna, yeh saata vedniya ka kaam hai. Jo jeev ke sukh dukh ke anubhav/ vedan karane mein nimit baney, vo vedniya karma. Vedniya, charitra mohniya (rati aur arati) karma ke bina nahi hoga.

Padarth se asakti jahan pe tivra ho, to rati/ arati bhi tivra hogi aur us vajeh se usme vedniya bhi tivra rahega. Samyak drishti dhaari aur mithyatvi ko bhi asakti ho sakti hai lekin samyak drishti dhaari ki manyata mein farak hai. Vo anekant se aisa janta hai ki kisi apeksha se acchi hai, kisi apeksha se nahi. Jab ki mithyatvi ko ekant se vo cheez acchi hi lagti hai.

Arihant bhagwan ka dekhe to pataa chalta hai ki bahya padarth ho/ ya na ho to fir bhi usse sukh dukh nahi hota kyonki unko monhniya ka nash ho chuka hai. Is liye, sukh dukh ka vedan mohniya ke bina nahi hota.

-Harshil