Notes from class of Sep 22, 2009

Class Date: 9/22/09
Chapter: 7
Page#: 199
Paragraph #:
Recorded version: http://cid-52d749a4f28f4c05.skydrive.live.com/self.aspx/Public/MMP%20class/Chapter%207/09-22-2009^_Chap7^_Nishchayabhasi12.WMA
Summary:
9/22/09

Chapter 7 pg 199

Revision from last class:

Aatma ke sambandh mein nischay nay ka abhas jisme paya jata hai, usko kaise aatma samajh mein aata hai (manyata hai) vaisa humne padha- isme aacharan ke bare mein discussion nahi kiya. Yeh bhed, antarang ke abhipray ke basis par kiye hai. Aage acharan ke basis par (aur jiske mul mein nischayabhasi manyata hai) aise jeev ka discussion karenge.

Pardravya ka karta aatma nahi hota- ek dravya dusre dravya ka kuch nahi kar sakta. Apne parinam/ vikalp ka karta atma hai. Aur jab in par bhaav/ par dravya se drushti hat jati hai aur jab isme bhi bhed vigyan apply karte hai aur samajhte hai ki jeev sirf jaanne ka karta hai (gyata hai) tab, baaki sab kashay aadi vibhav hai, svabhav nahi, tab atma anubhavan ki aur badhte hai. Par dravya ke saath mera sirf nimit naimitik sambandh hai, karta karm sambandh nahi aisa samajhna chahiye.

Vastu ka parinaman apne aadhin nahi, vo uski yogyata ke anusar parinaman karega. Achetan padartho par bhi hamara control nahi, ve bhi apni yogyata ke anusar parinaman karenge. Jo vastu dravey (flow/ change kare) uska naam dravya hai- matlab har dravya mein parinaman karne ki shakti hai. Jiske karan do dravyo mein karta karm relation applicable nahi hota- sirf ek dravya mein hi hota hai, kyonki karta ki paribhasha hai, jo parinamit hota hai. Jo karya rup hua hai vo khud ki shakti se hua hai, isliye vahi karta hai. Mitti ghadey rup hoti hai (nimit ki apeksha se kumhar karta kaha jata hai, parantu vastav mein mitti hi karta hai)

Pg 199:

Shuddh avastha matlab par ke bhaavo se bhinn aur khud ke bhaavo se abhinn. Dravya apeksha to shuddh pana hota hi hai. Aupaudhik bhaav jab hat jaate hai, tab paryay mein shuddh maan sakte hai. Samaysar vyakhya mein kaha hai ki aatma pramat/ apramat nahi hai- jitney par dravya bhaav hai un sab se jab bhinn ho, aisi avastha shuddh hai. Mein ek gyayak maatra hu (paryay bhed, kashay, par dravya ke bhaav sab se bhinn), aisa hone par shuddh pana hota hai. Dravya apeksha ki shuddhta ka chintan vo saadhan hai aur paryay bhaav mein shuddhta vo sadhya hai. Yahaa, Pramat/ apramat are based on gun sthanaks (gun sthanaks paryay gat bhed hai).

Vibhaktiya:
Karak: Karya mein sahakyak hote hai
Karta: Jisne kaam kiya
Aadhar: Jisme kiya
Karma: Jo karya hua
Apadan: Jisme se kiya
Sampradan: kiske liye kiya
Sadhan: Jiske dvara kiya

Yeh bhinn shat karak hai. Yeh aatma mein bhi shat karak lagte hai. Karta/ Karma do dravyo mein nahi lagte, isliye sab aatma mein bhi lagte hain. Abhed, nirmal anubhuti ka naam shuddh hai (paryay apeksha)

Dravya se samanya swarup avlokan karna aur paryay mein avastha vishesh avdharan karna isse smayak darshan hota hai. Kyonki sacche avlokan bina samyak darshan nahi hota. Dravya ka chintvan karke paryay ko shuddh karna aur vartman sthiti ka avdharan karna (avdharan=vichar/nirnay)

Vastu ka swarup theek nahi samajhne se bahya pravarti/ avastha mein kya bhule hoti hai:

Nischayabhasi ki swachandta aur uska nishedh:

Raag dvesh jaise mite vaisa shraddhan, (bure hai aur mitane layak hai aisa shraddhan karna), gyan aur acharan karna yeh moksh marg hai. Lekin nischayabhasi ka aisa to vichar hi nahi- vo to keval apne shuddh anubhav (aabhas) mein hi samyaktva manta hai, jisse raag dvesh mitte ho aise sabhi sadhan (shastra abhyas, pujan, tapasya, vrat aadi) ka nishedh karta hai, to samyak drashti kaise hua?

Shastrabhyas: Yadi yeh nirarthak ho to muniyo ko bhi 2 mukhya kaam kahe hai- dhyan ya adhyayan- jab dhyan mein upyog nahi lage, tab adhyayan karne ko kaha hai kyonki usse tatvo ko vishesh jaanna hota hai aur usse samyak darshan gyan nirmal hota hai. Isliye yeh nirarthak nahi.