Class Date: 10/27/09
Chapter: 7
Page#: 204
Paragraph #:
Recorded version: http://cid-52d749a4f28f4c05.skydrive.live.com/self.aspx/Public/MMP%20class/Chapter%207/10-27-2009^_Chap7-Nishchaybhasi^320.WAV
Summary:
10/27/09
Chapter 7 pg 204
Pratigya ke sambandh mein nischayabhasi ki manyata:
Pehle humne dekha ki nischayabahsi bahya hinsa aadi rokne, parinamo ko change karne ko tayar hai, lekin pratigya lene ko tayar nahi. Tab panditji samjhate hai ki vrat nahi lete to raag hai, raag se avirati hai, avirati se karm bandh aur karm bandh se dukh. To pratigya karna uchit hai yeh to samajh aa gaya. Ab aage:
Ab question hai ki, na jaane aage kaisa uday aaye aur yadi pratigya bhang ho to bahut paap hota hai- to jaisa prarabdh/honhar anusar karya banta hai vaisa bane, pratigya ka vikalp nahi karni chahiye. Aur vaise bhi pratigya bhang karne ka bada paap hai, to aisa kyon kare? Apne vichar, parinam acche rakhe, pratigya lene ki kya jarurat hai?
Some thoughts:
Jaise chapter 8 mein dekha ki bhang karna aur kadachit kisi karan se tut jaaye in dono ke parinam mein bahut antar hai- todna aur tut jana. Yahaa aisa nahi ki jo pratigya leta hai vo samyak drashti hai aur jo nahi leta vo mithya drashti hai- parantu aisa vargikaran jarur karte hai ki jo pratigya lena accha manta hai vo samyaktva ki aur sanmukh hai aur jo pratigya lena accha nahi manta hai vo mithya drashti hai. Yahaa yeh samjahna jaruri hai ki pratigya lena dharm nahi- yeh vastavik dharm nahi, yeh sirf shubh upyog rup hai, kashay mand rup hone ka sadhan hai, jo bhi nischay dharm nahi. Shudh upyog hi dharm hai. Parantu pratigya aadi shubh upyog ek environment banata hai jisse shudh upyog hone ki aur badh sakte hai. Isliye is apeksha se, pratigya leni acchi hai aur leni chahiye.
Panditji’s response:
Pratigya lete samay jiska palan hota hum nahi jaane, aisi pratigya to nahi leni chahiye. Pratigya lete hi yadi yeh abhipray rahe ki koi karan hone par pratigya chhod de, to aisi pratigya to kaise karyakari hui? Isme to hamsha raag bhaav maujud hi hai. Yadi aisa bhav rahe, ki maran aane par bhi yeh pratigya nahi chhodunga, to vo karya kari hui, kyonki usme raag bhav chhuta. (Example: Mahavir bhagwan ke jeev ne bhil ke janma mein kavve ka maans na khaane ki pratigya li jo marnant nahi chhodi.) Bina pratigya kiye avirti sambandhi bandh to hota hi hai.
Tatha aagami uday ke bhay se pratigya na li jai to uday ke bare mein sochne se sabhi kartavya ka nash ho jaaye. For example, sadak pe chalte chalte accident ho jaaye to kya baahar chalna bandh kar de? Humein jitna pachta ho utna bhojan karna chahiye. Kisi karan humein ajirna ho jaye aise bhay se yadi khana hi chhod de, to maran hi ho jaaye. Isi prakar yadi uday ke bhay se pratigya naa le, to asanyam hi hota hai. Isliye pratigya leni chahiye.
Vaise dekha jaaye to laukik jeevan mein bhi hum roj baroj ki zindagi mein kitni pratigya karte hai- ghar lete hai to contract sign karte hai ki 30 yrs mortgage pay karenge- tab to aisa nahi sochte ki job chali jaayegi to kya karenge? To aise tark hum dharmik cheezo mein hi kyon lagaate hai, laukik mein kyon nahi? Iska reason hai, apni kathni karni mein fark hai, dharm ke prati rujhaan nahi.
Ab rahi honhar ki baat- to jab prarabdh anusar karya banta hi hai to hum bhojan aadi karne mein udyam/ purusharth kyo karte hai, vo bhai naa kare..To paisa kamaane mein hum 5 samvay mein se purusharth ko aage karte hai aur pratigya aadi dharmik cheezo mein hum honhar ko aage karte hai- to aisi inconsistency theek nahi. Paisa kamane mein mehnat karenge, sochenge, lekin mandir ana prarabdh mein ho to aayenge, aisa to theek nahi. Yeh sirf swachand hone ki yukti hai. To humein aisa nahi karna chahiye aur jo bane, jitni bane utni pratigya lena accha hai. Yadi naa le to bhi, lena accha hai vaisa shraddhan to karna hi chahiye. Bandhan hai aisa vichar karna yogya nahi.
Pg 239
Yaha par jo pratigya leta hai vo theek nahi karta uski baat hai (kyonki pratigya ko dharm manta hai):
Jain dharm mein pratigya na lene ka to dand nahi (avirati ka hai, parantu mithyatva ka nahi) Lekin na lena chahe, usme mithyatva ka dosh hai.
Pratigya kaise li jaati hai:
1) Tatva gyani ho (pratigya lena kya hai, kab accha hai etc. jaane)
2) Jiska tyag kare, uska dosh pehchane (kar kyo raha hu)
3) Tyag karne mein jo gun ho unko pehchane (mujhe kya labh hoga)
4) Parinamo ko theek kare
5) Vartman parinam hi ke basis par pratigya naa kar baithe (haatho haath, bina vichar ke nahi karna chahiye)
6) Bhavishya mein nirvah karne ki possibility ho, to hi pratigya kare
7) Shakti, dravya, kshetra aadi ka vichar karke pratigya karni chahiye aur bhav chadhte rahe aise leni chahiye
In reasons ko dhyan mein rakhkar juch samyak drashti jeev bhi muni diksha nahi lete. Agar unke bhav chadhte nahi rehte aisa ho, to ve diksha naa bhi le, aisa ho sakta hai.
Agar parinam bigde aur phir bhi, pratigya nahi chhode, vo parinam bigadne par pratigya chhodne se bhala hai.
Conclusion: Pratigya lena accha hai, aisa jarur manna chahiye- lekin vo vastavik dharm nahi. Vo shubhopyog hai aur shubhopyog shuddhopyog ko bal deta hai.
-shweta
Subscribe to:
Post Comments (Atom)
1 comment:
Nicely written.
Something to think about our balance with Purusharth and Honhaar:
"..To paisa kamaane mein hum 5 samvay mein se purusharth ko aage karte hai aur pratigya aadi dharmik cheezo mein hum honhar ko aage karte hai- to aisi inconsistency theek nahi."
Post a Comment